मैत्री ( मराठी कविता )

ही कविता एका पत्नी ने पती ला त्याच्या नोकरीच्या शेवटल्या दिवशी लिहीली आहे ।उद्या पासून ते निवृत्त होणार आहेत ।

मैत्री करून बघा माझ्याशी
प्रिय नवरोजी
मैत्री करून बघा माझ्याशी ,
चांगली मैत्रीण होईन ।
आयुष्याच्या अंतापर्यन्त,
नक्किच साथ देईन ।

मैत्री करून बघा माझ्याशी ,
माझा 'बिनडोकपणा' किंवा तुमचा 'हुश्शारपणा',
आड़ नाहीं येणार ।
मैत्रीत बाकी काही नसणारच मुळी,
फक्त आपलेपणा असणार ।

मैत्री करून बघा माझ्याशी ,
सोडून हा 'नवरे ' पणा ।
बायको ची 'मैत्रीण' झाली की,
वाटेलच आपलेपणा ।

मैत्री करून बघा माझ्याशी ,
मनातल थोड बोला ।
वाटून घेतल आपापसात ,
तर वाढेलच जिव्हाळा ।

मैत्री करून बघा माझ्याशी ,
निवृत्ति नंतर तुम्हालाच सहचारिणी
असावीशी वाटणार ।
मी तर गृहिणीच आहे ,
निवृत्तच नाहीं होणार ।

मैत्री करून तर बघा माझ्याशी ,
" भिऊनको मी तुझ्या पाठीशी आहे "
अस एकमेकांना म्हणणार ,
मैत्रीचा हात हातात असेल
तर अंत सुखाचा येणार ।
मैत्री करून तर बघा माझ्याशी ।
                                           स्मिता घाटे